TYPE OF STUDENT

If you wan go skool abroad, you must know de category of student wey you be. Ee get four main categories. Dem be:

• Freshman Student:

Dis na student wey just finish secondary skool and wan get admission for any higher institution for de first time. Infact you fit still dey secondary skool and begin apply for admission abroad. You fit start to apply from SS1.

• Transfer Student:

Dis na student wey don gain admission for one higher institution (University, Polytechnic, or College of Education) but decide to continue for anoda one. Wetin you go do na to transfer ya credit hours to de new skool wey you wan attend.

• Graduate Student:

Dis na student wey don finish undergraduate program (HND or BSc) and wan continue anoda program wey high pass undergraduate program like Graduate diploma, Masters or PhD.

• Returning Student:

Dis na student wey don gain admission for any program for higher institution, den come stop to attend. After sometime, him/she come decide to come back for de same skool to finish de progam wey him/she start before.