Depending on de category of student wey you be, ee get exams wey you suppose write for you to gain admission to US or Canada
I go list de exams and wetin dem stand for and who suppose write each exam:
- TOEFL (Test of English as a Foreign Language):
Dis na exam wey you suppose write to prove to de skool say you sabi enough english to study for dem skool. You fit go www.ets.org/toefl to check how to register for de exam and de dates and venue wey you fit write de exam for de country wey you dey live. Every student must write dis exam.
- SAT (Scholastic Aptitude Test):
Dis na de main exam wey person wey wan do undergraduate program must write. Ee get two parts, english and maths. You fit go www.sat.collegeboard.org to check how to register for de exam and de dates and venue wey you fit write de exam for de country wey you dey live. No be every skool dey require say you must write SAT before dem give you admission. So make sure say you check each skool entry requirement to dey sure weda dem need SAT or not.
- GRE (Graduate Records Examination):
Dis na exam wey anybody wey wan do graduate program suppose write. Just like SAT ee get two parts, english and maths. And you fit go www.ets.org/gre to check how to register for de exam and de dates and venue wey you fit write de exam for de country wey you dey live.
**IELTS-academic (International English Language Testing System):
Dis exam just dey like TOEFL. Na anoda type of exam you fit write to show say you sabi enough english. But na British Council dey incharge of de exam. And ee dey more popular for skools wey dey Canada Canada
